نظم
مجھے الفاظ لکھیں گے
مری ہر سوچ کھولیں گے
مری ہر بات لکھیں گے
مجھے الفاظ لکھیں گے
مری تصویر کھینچیں گے
مری آواز لکھیں گے
مجھے الفاظ لکھیں گے
مرے نغمے یہ گائیں گے
مرا سُر ساز لکھیں گے
مجھے الفاظ لکھیں گے
مرے ہمدم یہی تو ہیں
مرے ہمراز بھی ہیں یہ
مرا ہر راز لکھیں گے
مجھے الفاظ لکھیں گے
کوئی شکوہ کروں میں کیوں
سبھی الفاظ ہیں میرے
ہمیشہ ساتھ ہیں میرے
یہی دم ساز ہیں میرے
مجھے دم ساز لکھیں گے
جسے میں کہہ نہ پاؤں گا
یہ ہر وہ بات لکھیں گے
مجھے الفاظ لکھیں گے
[11 اکتوبر، 2012]
جملہ حقوق بحقِ شاعر ـ بلاگر محفوظ ۔
جملہ حقوق بحقِ شاعر ـ بلاگر محفوظ ۔
No comments:
Post a Comment